LAOAG CITY – Gimmatang ti National Irrigation Administration ti uppat a Mobile Solar para kadagiti mannalon ditoy probinsia.
Segun ken ni Engr. Joselito De Vera, Division Manager iti nasao nga ahensia, manarimaan ti panangipausarda dagitoy kadagiti mannalon manipud iti siudad ti Batac, iti ili ti Pasuquin, Bangui ken ditoy siudad ti Laoag.
Inbatadna a ti Mobile Solar ket dakkel a tulong para kadagiti mannalon nangruna ket saanen a kasapulan daytoy ti diesel.
Inlawlawagna a kalikagum ti ahensiada a maiwaras iti intero a probinsia ti ipatpatungpalda a solar pump irrigation project.
Kabayatanna, naragsak nga inpakaammo ni Engr. De Vera a manarimaanen a maus-usar ti Bongga Pump 1, 2 ken 3 kadagiti pagtatalonan.
Innayonna a babaen iti daytoy ket dakkel a tulong para iti pagpadanum dagiti mannalon kadagiti kataltalonanda.
