LAOAG CITY – Ngimmato ti maysa agingga lima a porsiento ti presio dagiti noche buena products no maidasig kadagiti naglabas a tawen.
Segun ken ni Mr. Dominador Alberto, mangidadaulo ti Consumer Protection ti Department of Trade and Industry, apaman a naiyetnag ti pammilin maipapan iti pannakaipatungpal ti Suggested Retail Price kadagiti noche buena products ket nagbalinen a naiget ti panangmonitorda kadagiti amin a pasdek negosio ditoy siudad ti Laoag.
Inbatadna a basar iti panagsursorda kadagiti nagduduma nga establishimento kangrunaanna iti Super Market ket sumursurotda met kadagiti maipatpatungpal a pagannurotan.
Nupay kasta, inpasigurado ni Alberto a no bilang adda ti mapaneknekan nga aglaklako kadagiti noche buena products a nangatngato ti presiona ngem iti naikeddeng a Suggested Retail Price-na ket insigidada nga i-report iti Head Office.
