LAOAG CITY – Naiget ti panagsagsagana ti ili ti Nueva Era para iti Tan-ok ni Ilocano Festival of all Festivals.
Daytoy ti inpakaammo ni Mayor Aldrin Garvida iti nasao nga ili.
Segun kenkuana, manarimaan a maar-aramid ken maisagsagana dagiti dadduma pay a props dagiti performers iti ilida.
Inbatadna a magagaran dagiti performers iti ili ti Nueva Era a mangipabuya dagiti nagduduma a kultura ken tradision nga inpanpannakkelda.
Nupay kasta, inlawlawagna a saanna pay laeng a mabalin nga ibuksilan dagiti dadduma a detalye tapno masurpresa ken magustoanto dagiti mapan agbuya iti naindaklan nga aktibidad ditoy probinsia.
Innayonna a basbassit dagiti mausar a props ita a tawen basar kadagiti choreographers.
Maiyuswat ti Tan-ok ni Ilocano Festival of all Festivals inton Pebrero 28 a pagbibinnalubalan dagiti amin nga ili ken siudad ditoy probinsia malaksid laeng iti ili ti Sarrat.
Kabayatanna, mangnamnama ni Mayor Garvida a magun-odda ti balligi ita a tawen.
