LAOAG CITY – Inpatungpal ti Philippine Health Insurance Corporation (PhilHealth) ti nalawlawa a maternity care benefit package a nadisenyo tapno siguradwen nga arigna awan ti magastos dagiti masikog a babbai, kalpasan ti makaalarma a panagngato ti saan a maliklikan a pannakatay ti ina iti intero a pagilian.
Iti maysa a media forum, dinakamat ti Philhealth a ti maternal mortality nationwide ket immabot iti 1,852 idi 2024 maibasar iti datos ti Philippine Statistics Authority (PSA).
Ti ratio ti maternal mortality rate ket 119 a pannakatay iti kada 100,000 a biag a maipasngay.
Inlawlawag ni PhilHealth acting Vice President for Corporate Affairs Group Mae Villa nga iti babaen ti expanded a maternal care benefit package ket masigurado a mataripato a nasayaat dagiti babbai manipod iti panangrugi ti panagsikog da agingga a dagitoy ket agpasngay.
Innayon na a ti kapintasan iti maternal care benefit package ti PhilHealth ket ti care coordination gapu ta adda ti pannaka-assign ti specific a tao iti health facility a mangasistir kadagiti masikog agingga iti panagpasngay da.
