LAOAG CITY – Nagpannawagan ni ACT Teachers Party-list Representative Antonio Tinio ken ni Ombudsman Jesus Crispin Remulla nga ibutaktak iti publiko ti naglaon a saritaan no sadinno a nagbalin ni dati a Department of Public Works and Highways (DPWH) Secretary Manuel Bonoan kas state witness kasukat ti immunity iti kasona plunder nga adda pakainaiganna iti flood control scandal.
Segun ken ni Tinio, maysa ni Bonoan kadagiti kangrunaan nga opisial a masapul nga agsungbat iti maipagarup nga scandal iti flood control ken saan daytoy a maisalakan iti babaen laeng ti panangibutaktakna iti dakdakkel a tao iti likod ti kaso.
Immunan nga inbatad ni Remulla nga agserbi kas state witness ni Bonoan uray no maysa daytoy a respondent iti kaso a plunder iti Sandiganbayan.
Kunana a nangipilan dagiti state prosecutor ti mosion tapno ibasura ti kaso kontra kadaytoy gapu ta napateg ti agbalin a testimonia na mainaig iti napasamak iti DPWH.
