LAOAG CITY – Kinumpirmaran ni Ombudsman Jesus Crispin ‘Boying’ Remulla a sagsaganaan da ti panagpila ti kaso a plunder kontra ken ni dati nga Speaker Martin Romualdez ken ni dati a Senate President Chiz Escudero.
Kunana a daytoy ket mainaig iti maipagarop a pannakairaman da iti isyu ti korapsion kadagiti maanomalya a flood control projects iti gobierno.
Rumrumuar nga adda ti panagkunsabo mainaig iti proseso ti pannakailatang ti pondo ti gobierno iti tawen 2024 ken 2025.
Plano ken manamnama a pormal a maipila ti plunder case kontra kadagiti dati a lider ti kongreso intono Mayo ita a tawen.
Iti agdama, ti public prosecutor ket ipinpinal na dagiti dokumento a kasapulan tapno makompleto ti kaso a maipila.
Nupay nainaganan da Senador Escudero ken Representative Romualdez, kuna ni Ombudsman Remulla nga adda pay sabali nga im-imbestigaren da.
