LAOAG CITY – Inbatad ti Home Development Mutual Fund wenno Pag-IBIG Fund a nagun-od na ti record high a kontribusyon dagiti miembro nga umabot iti P160.41 billion idi 2025.
Segun iti Pag-IBIG Fund, ti nakoletar da a kontribusyon manipod kadagiti miembro ket ngimmato iti 21% year-on-year.
Inbatad ni Department of Human Settlements and Urban Development (DHSUD) Secretary Jose Ramon Aliling nga isuna metlaeng ti chairman ti Pag-IBIG Fund Board of Trustees, a ti maysa a nangitunda ti panagngato ti kontribusyon dagiti miembro ket gapu iti agtultuloy a panagngato ti voluntary savings, patikular iti babaen ti Modified Pag-IBIG II (MP2) Savings Program.
Innayon na a manipod iti pakabuklan ti savings a nakolektar idi 2025, umabot iti P66.80 billion ditoy ti mandatory a monthly contributions dagiti miembro ti ahensya idinto a ti voluntary contributions ket P93.60 billion wenno 58%.
