LAOAG CITY – Inbatad ni Mayor James Bryan Alcid nga adda ti nangilungalong para iti pannakaipatakder ti center wenno pagadalan para kadagiti maibilang nga “special child” ditoy ciudad.
Kuna ti mayor a trataren da daytoy a banag gapu ta mamati a dakkel a makatulong kadagiti maibilang nga “special child”.
Inlawlawag na a sakbay a makaipatakder ti center wenno pagadalan ket kasapulan a mangkita da nga umuna ti pondo a mausar.
Innayon na a malaksid iti pondo para iti pannakaipatakder ti pasilidad ket masapol nga ilatangan da pay ti pangsweldo iti psychiatrist a mangtulong kadagiti maibilang nga special child.
Inpasingked ni Mayor Alcid a no addan ton ti pinal a plano da para iti daytoy a banag ket ipublukar da a dagus.
