LAOAG CITY – Inimbitaran ti Pakistan ti Estados Unidos ken Iran a mangiyuswat ti dayalogo iti Islamabad intono biernes, Abril 10 tapno maaddaa ti conclusive agreement tapno maurnus ti aniaman a saanda a pagkinnaawatan.
Daytoy ket kalpasan a nagtulag ti Iran ken Amerika para iti dua a lawas a conditional ceasefire ken ti panaglukat ti Strait of Hormuz.
Segun ken ni Pakistaan Prime Minister Shehbaz Sharif, dagus a maipatungpal ti ceasefire sumagmamano nga oras sakbay ti inkeddeng a deadline ni US President Donald Trump.
Basar iti report ti Iran state media, inbilin ti baro nga Iran Supreme leader iti amin a military units nga isardeng dagiti panagatake.
