LAOAG CITY – Inpasigurado ti Malacañang nga ipatungpal ti gobierno ti linteg ken siguradoenna ti hustisia iti panangipatungpal ti arrest warrant ti International Criminal Court kontra ken ni Sen. Ronald “Bato” dela Rosa.
Inbatad ni Palace Press Officer Undersecretary Claire Castro a nalawag ti nagbalin a rakurak ti Department of Justice nga enforceable wenno mabalin nga ipatungpal ti warrant kontra iti senador.
Gapu iti daytoy, manamnama nga agtignay ti gobierno maiyallubog iti maipatpatungpal a linteg ken aramiden ti amin dagiti opisial tapno masigurado a maipaay ti hustisia.
Immunan nga inbilin ti Department of Justice ti Philippine National Police ken National Bureau of Investigation nga ipatungpal ti arrest warrant.
Kagiddan daytoy ti nagbalin a desision ti Korte Suprema nga ibasura ti kiddaw ni dela Rosa a temporary legal protection kontra iti posible a panangarestar.
