LAOAG CITY – Napabilib ti management office ni Jennylyn Mercado ti ladawan ti aktres nga agwarwaras iti online.
Makita ni Jennylyn nga adda ti iggemna a bouquet kadagiti sabsabong iti sango ti tarpaulin nga addaan ti logo ti Kapamilya Network.
Gapu iti daytoy, adu dagiti nagwaras a komento maipanggep iti nasao a ladawan no ti aktres ket umakar iti sabali a network.
Nupay kasta, nabitin dagiti netizens kadagiti detalye iti panagakar ti misis ni Dennis Trillo.
Mainaig iti daytoy, tapno makumpirmaran ket tinawagan dagiti sumagmamano a press members ti talent management office ni Jennylyn, ti Aguila Entertainment no sadinno mismo ti manager ti aktres a ni Jan Enriquez ti nakasaritada.
Naigetna a naglikudan ti panagakar ni Jennylyn iti rival network.
Kunana nga iti kinapudnona ket asidegen nga agpirma ti kontrata ti aktres.
Iti agdama, freelancer pay laeng ti status ni Jen ngem namnamaenna ti baro a kontratana iti Kapuso Network.
