LAOAG CITY – Patien ni Board member-elect Joeffrey Saguid iti ili ti Dingras a dakkel a tulong ti panagmula ti tabako tapnu masusteneran dagiti Local Government Unit dagiti kasapulan dagiti mannalon.
Kunana a saan a makaumanay dagiti local source of income rason a nasken a matutukan daytoy.
Innayon na nga ukagen na amin dagiti ordinansa mainaig iti daytoy nangruna ket adda dagiti gundaway nga adda dagiti panagririri no sadinno ti pakaikreditan dagiti tabako a mailako.
Inbatad na a mapaigetan ti pannakabantay dagitoy tapnu maipaay met lang ti usto a buwis kadagiti Local Government Unit a paggapwan na.
