LAOAG CITY – Nagsublin ti panagsanay dagiti atleta ditoy ciudad ti Laoag kas panagsagana iti mapaspasangasangan a pannakaiwayat ti R1AA wenno Region-I Athletic Association Meet a maangay inton bulan ti Marso.
Segun ken ni Mr. Hipolito Salva, ti mangidadaulo ti City Sport Development Office idi napan a bulan ti Disiembre, temporaryo a nagsardeng dagiti atleta iti panagsanay, ngem kalpasan ti bakasyon ket naiget ti panagsubli dan agingga ti a maangay ti kompistisyon.
Malaksid kadagiti atleta ket nagsubli pay iti training dagiti local trainer ken national trainers.
Mainaig iti daytoy mangnamnama ni Salva a magun-od manen ti Laoag Schools Division Office ti overall chgampion ita a tawen 2025.
Innayonna a naiget met a banbantayan da ti safety dagiti atleta tapno saan a mairisgo ti salun-at da.
Kabayatanna, agpapan ita ket awan pay impormasyon da iti eksakto nga aldaw ken espesipiko a lugar a pakaangayan ti nasao a kompitisyon.
