LAOAG CITY – Mamati ni House prosecutor Atty. Lorna Kapunan a ti rakurak a panang-acknowledge ni Davao City Mayor Sebastian “Baste” Duterte kadagiti kontrata ti GenCorp Industries Inc. ket mabalin a maibilang kas direct admission ti conflict of interest.
Intudo ti abogado ti P33.3 million a gatad ti kontrata ti GenCorp Industries Inc. iti Davao City nga agdama nga idauloan ti dati a presidential son.
Immunan nga inpudno ni Mayor Baste, no sadinno maipagarup a nirepaso ti local government unit dagiti kontrata ti GenCorp ken naamoan nga umabot daytoy iti P33.263 million.
Ti nadakamat a gatad ket iti babaen ti 19 a kontrata.
Segun ken ni Atty. Kapunan, mabalin nga ibilang ti rakurak ni Mayor Baste kas admission ng conflict of interest ni Bise Presidente Sara Duterte a maipagarup a paset ti operasion ti nadakamat a kompania.
Ti GenCorp ket maysa kadagiti kompania a nakalista iti Statement of Assets, Liabilities and Net Worth wenno SALN ti Bise Presidente.
Kabayatanna, immunan nga inbatad ni Mayor Baste a saanna ammo ti maipagarup nga interest ni Bise Presidente Sara iti nadakamat a kompania.
