LAOAG CITY – Nadismaya ti Brazil iti inaramid ti Estados Unidos kadagiti ilegal immigrants daytoy kangrunaanna kadagiti Brazilian nga inpa-deport nga agsubli iti Brazil pakairamanan dagiti ubbing a maipagarup a nakaposas.
Binabalaw dagiti otoridad ti inaramid ti Amerika kadagitoy ken inawaganda a nadagsen a panaglabsing kadagiti karebbengan dagiti umili.
Napasamak ti insidente kalpasan a simmango ti Latin America iti baro a pangta iti panagsubli ni United States President Donald Trump iti White House nga addaan ti naiget a pagannurotan maipapan iti nalawa a deportasion para kadagiti illegal immigrants idiay Estados Unidos.
Naiget met saan nga umanamong ni Brazil Justice Minister Ricardo Lewandowski ken Brazil President Luiz Inácio Lula da Silva ti panaglabsing kadagiti kangrunaan a karebbengan dagiti Brazilian.
Kabayatanna, basar iti Estados Unidos, dagiti inpa-deport ket awan ti pakainaiganna iti baro nga executive order ni Trump no di ket resulta laeng daytoy iti maysa a bilateral a katulagan ti Amerika ken Brazil idi 2017.
