LAOAG CITY – Nadismaya dagiti agpanpanday linteg iti saan a panagpakita ni Vice President Sara Duterte iti budget deliberation iti plenaryo ti Kamara de representantes a maibilang kas maikadwa a kangatoan nga opisyal ti pagilian.
Immunan a nangipaay ni privilege speech ni Rep. Gabriel Bordado mainaig iti saan a panagbalin a transparent iti panaggastos ti pondo ti Office of the Vice President.
Segun met ken ni Gabriela Partylist Rep. Arlene Brosas, saan a nakaaawat ti saan a panagatendar ni Vice President Duterte iti budget deliberations.
Kuna na a maibilang daytoy a maysa a panagbastos ket natratar ti pondo kangrunaan na ket ti budget iti opisina ti bise presidente nga aggapo iti pagkabanan ti umili.
Inpaganetget ni Brosas a maysa a duty ti panagsungbat iti saludsud iti budget deliberations gapu ta kwarta ti umili ti pagsasaritaan ken saan a choice a pera mabalin nga itantan wenno ipabus-oy laeng ken saan a mabalin nga usaren ti tradisyon tapno libasan ti panagsungbat no kasanu a ginastos ti pondo.
