LAOAG CITY – Imbilin ni Presidente Ferdinand Marcos Jr. ti pannakaipatungpal ti whole-of-government approach para iti panagsagsagana iti idadalyasat ti maysa a super typhoon ita a lawas.
Inbatad ni Palace Press Officer Claire Castro a nakitarionongen ti Palasyo iti National Disaster Risk Reduction and Management Council tapno siguraduen ti kinasagana ti gobierno.
Mainaig iti daytoy, karaman dagiti imbilin ti Presidente ket ti pannakaiwayat ti pre-disaster risk assessment scenario meetings kadagiti maapektaran a rehion.
Naglaon pay dagiti imbilin ni president ti pannakaiyuswat ti widest alert dagiti response clusters ti National Disaster Risk Reduction and Management Council ken ti Regional Disaster Risk Reduction and Management Council.
Malaksid iti daytoy, binilinna pay dagiti lokal a gobierno a rugiandan ti preemptive evacuation kadagiti high-risk areas, ken impasiguradona ti kinatalged dagiti evacuation centers karaman pay ti panangilatag ti livestock equipment zones para kadagiti taraken dinguen.
Karaman pay ti pannakaipatungpal ti panagpreposition dagiti rescue teams, relief goods ken dadduma pay nga essential supplies, amoen dagiti dadduma pay a dalan ken panag inspeksion kadagitikritikal nga imprastraktura.
Innayonna pay ti panangiwayat ti sea travel ban no kasapulan, kasta met ti insigida a maipaay a tulong kadagiti vulnerable sector ken panagbantay kadagiti sakit a mabalin nga epekto ti layus.
