LAOAG CITY – Inbatad ni Lt. Alexander Corpuz, ti Commanding Officer ti Philippine Coast Guard iti Ilocos Norte a mandato da nga agresponde a dagus no adda ti mapasamak nga insidente.
Segun kenkuana, rumbeng nga agresponde da iti uneg ti 30 minutos basar ti guidelines ti PCG.
Inadmitir na a limitado laeng ti kapasidad dagiti bangka nga agpatrolya wenno agsurveillance.
Gagem ti opisyal a maaddaan ti dadakkel a barko iti kada istasyon tapno al-alisto iti panagresponde.
Innayon na a ti kada panagpatrolya da ket balbalakadan da dagiti opisyal ti barangay a saan a tumapug iti baybay no dakes ti panawen.
