LAOAG CITY – Dakkel a balligi para iti men’s team ti Pilipinas ti makastrek iti semifinals round ti Southeast Asian (SEA) Games volleyball tournament.
Maipalagip nga idi pay 1991 ti naudi a pannakastrek iti semis ti men’s team a nakagun-odan da ti bronze medal.
Idi rabii ket inlampaso ti National Team ti Vietnam iti panangidaulo ti top scorer a ni Bryan Bagunas.
Set 1 pay laeng ket nagsasarunon ti naaramid a puntos ti agtawen ti 22 a taga Batangas, nga import player iti sabali a liga idiay Japan.
Saan met a nagpaudi ti dati a 5-time UAAP MVP a ni Marck Espejo iti naaramid na a solid 13 points.
Uray ti agtawen ti 19 a setter a ni Joshua Retamar ket saan a madlaw a damo na laeng ti naipasango iti SEA Games.
Nagleppas ti laban iti straight sets: 25-20, 25-21, 25-12 pabor iti Pilipinas.
Iti napalabas a SEA Games idiay Malaysia, saan a nakagun-od uray maysa laeng a set ti Pilipinas iti Vietnam isut gapuna a nakaiyawid da laeng ti bronze medal.
Agsubli intono biyernes iti PhilSports Arena ti grupo tapno sangwen ti reigning silver medalist a Team Indonesia
