LAOAG CITY – Inpasigurado ti Philippine Health Insurance (Philhealth) a nakalukat ti access kadagiti umili iti dengue coverage kageddan iti agtultuloy a panagngato dagiti kaso ti dengue manipud kadagiti nagduduma a paset ti pagilian.
Inbatad ni PhilHealth Senior Vice President for Health Finance Policy Sector Israel Francis Pargas, adda ti tallo a packages a mabalin a pagpilian dagiti nakaptan ti dengue.
Inlawlawag ni Pargas, masya ditoy ket ti primary care benefit wenno ti Konsulta nga isu ti service provider ti PhilHealth a mabalin nga agpa-pacheck up dagiti makarikrikna ti sintomas ti dengue ti libre wenno awan ti bayadna.
Naammoan a karaman pay iti package dagiti mabalin a a laboratory tests a maala pay a libre iti Konsulta provider.
