LAOAG CITY – Inpasigurado ti Philippine National Police (PNP) ti panangipaay na ti seguridad iti tallo nga aldaw a protesta ti religious group nga Iglesia Ni Cristo (INC).
Segun ken ni Philippine National Police Spokesperson Police Brig. Gen. Randulf Tuaño, mangikwarasda iti 10,000 a pulis a mangipaay iti seguridad.
Maangay ti nasao a protesta manipud Nobiembre 16 agingga 18 iti Rizal Park, Manila.
Katulungan ti PNP iti lokal a gobierno ti Manila, a nangideploy met iti 14 nga ambulansia.
Ti nadakamat a rally ket maangay kuma iti People Power Monument iti ciudad ti Quezon ngem ti naaprobaran ket iti Rizal Park.
Manamnama nga agarup 300,000 a miembro ti Iglesia Ni Cristo ti agatendar iti nasao a panagtitipon.
