LAOAG CITY – Inrakurak ti Philippine National Police a basar iti report ti Bureau of Immigration, awan pay ti indikasyon a nakarwaren iti Pilipinas ni Suspended Bamban, Tarlac Mayor Alice Guo.
Segun ken ni Philippine National Police Spokesperson Col. Jean Fajardo, uray dagiti kakadwa ti mayor a karaman a maan-anop ket saan da pay a nakaruar iti pagilian.
Immunan a naireport nga adda ti arrest order ni Guo manipod iti Senado kalpasan a saan a nagatendar kadagiti naiyuswat a panagdengngeg mainaig iti naraot a Philippine Offshore Gaming Operator (POGO) hub iti Bamban.
Naipila pay ti arrest order kontra kadagiti kakabsat na nga isuda Sheila Leal Guo, Wesley Leal Guo, Jian Zhong Guo, Seimen Guo ken ti maatap nga ina na a ni Wen Yi Lim.
Nagballaag ni Fajardo nga adda ti sangwen a kaso dagiti tumultulong a mangilemmeng ken ni Guo ken dagiti pada na nga akusado.
