LAOAG CITY – Ibilang ni Pope Leo XIV a ti United States-Iran ceasefire kas senyales iti pudno a namnama.
Maragsakan ti Santo Papa ti nagbalin nga anunsio ti dua a pagilian para iti dua a lawas a panagsardeng ti rinnupak dagitoy.
Daytoy ti nagbalin a rakurak ni Pope Leo XIV kagiddan iti panagngudo ti linawas a misa iti Vatican.
Dinayaw ti Santo Papa ti dua a lawas a ceasefire kadagiti dua a pagilian sumagmamano nga oras kalpasan nga inawaganna ti pangta ni United States President Donald Trump kontra iti populasion ti Iran a saan a nainkalintegan.
Immuna iti daytoy, naiget a binabalaw ni Pope Leo XIV ti mapaspasamak a gubat kadagiti naglabas a lawas ken ginutigotna ti agtultuloy a negosasion ti dua a pagilian tapno naan-anayen a malpas ti riribok iti rehion.
