LAOAG CITY – Nangbukel ni Presidente Ferdinand Marcos Jr. ti maysa a ‘super body’ nga adda ti responsibilidadna tapno nabileg a maipatungpal ti pammilinna para kadagiti kangrunaan nga ahensia ti gobierno tapno maprotektaran ti karebbengan dagiti tattao iti pagilian.
Inbilin ti Presidente ti panangbukel ti maysa nga “Special Committee on Human Rights Coordination’ tapno ipatungpal ti Administrative Order No. 22 a gagem a pasayaaten ti mekanismo para iti proteksion dagiti karebbengan dagiti tattao ditoy Pilipinas.
Ti espesyal a komite ket idauloan ni Executive Secretary ken co-chaired ti Department of Justice Secretary kaduana dagiti sekretario ti Department of Foreign Affairs (DFA) ken Department of Interior and Local Government (DILG).
Pinirmaan ni Executive Secretary Lucas Bersamin ti Administrative Order 22 idi Mayo 8.
Ti Pilipinas ket maysa nga State Party iti Universal Declaration of Human Rights, International Covenant on Economic, Social and Cultural Rights ken International Covenant on Civil and Political Rights.
Kabayatanna, dagiti ahensia ken instrumental ti nailian a gobierno pakairamanan dagiti korporasion, sanikua wenno kontrolado ti gobierno ken dagiti yunit ti lokal a gobierno ken pribado a sektor ket mamandar ken magutgutigot, maibasar iti nadakamat a mangipay ti suporta ken tulong iti panangipatungpal ti Administrative Order 22.
