LAOAG CITY – Nagballigi ti naisayangkat a panagtataripnong ti Vice Mayor’s League of the Philippines – Ilocos Norte Chapter.
Segun kenni Vice Mayor Maynard Francis Bumanglag, ti pangtataripnong da ket inisponsoran ni Dr. Maribel Albano, ti bise mayor iti ili ti Vintar.
Kunana nga iti kada quarter ti panagtataripnong da ken adda iti maysa a bise mayor nga agisponsor tapno saan da a mausar ti pondo ti gobierno.
Inbatad na a babaen dagiti maangay a taripnong ket makapagsasarita da a nasayaat ken makapagsisinnukat dagitoy iti ideya para iti pagsayaatan ditoy probinsia.
Malaksid iti daytoy, kuna ni Bumanglag a ditoy pay a maamoan da no ania dagiti ili a nagipangato ti plete iti baet paylaeng iti oil crisis.
Kabayatanna, kunana a kas presidente iti Vice mayor’s League of the Philippines – Ilocos Norte Chapter ket naruay dagiti plano na a pakabenipisiaran ti kaadoan nga umili.
