LAOAG CITY – Inadmitir ti Department of Agriculture (DA) a posible a ngumato ti presio ti karne ti baboy ditoy pagilian inton bulan ti Disiembre nangruna ket umas-asidegen ti paskua.
Iti Pasig Mega Market, naabisoanen dagiti Pork vendor dagiti suki dagitoy iti posible a panagngato ti presio daytoy.
Basar iti ahensia, mabalin a dumanon iti P5 agingga iti P10 ti panagngina ti presio iti karne ti baboy inton sumaruno a bulan.
Ngimmato ti demand iti nasao a produkto apaman nga umas-asideg ti paskua ditoy pagilian.
Masansan daytoyen a mapaspasamak tunggal holiday ken madanon ti panangsarabo iti baro a tawen.
