LAOAG CITY – Kagiddan ti pannakaideklara ti state of calamity idiay Metro Manila ken Batangas, naiget a banbantayan ti Department of Trade and Industry (DTI) dagiti presio dagiti kangrunaan a magatgatang (basic necessities) a naka-freeze.
Basar iti Department of Trade and Industry, mabalin a mapatawan ti multa dagiti aglaklako nga aglabsing iti price freeze malaksid pay iti posible a kaso kriminal, maiyallubong iti Price Act.
Naballaagan pay dagiti negosio pakairamanan dagiti hotel ken transient homes kontra iti “price gouging” wenno saan a nainkalintegan a panangipangato kadagiti presio.
Ballaag ti Department of Trade and Industry, nakamonitor daytoy kadagiti lokal a gobierno iti panangipatungpal ken panangtrato kadagiti konsyumer.
