LAOAG CITY – Nagyaman ni P/Cl. Frederick Obar, Provincial Director iti Ilocos Norte Police Provincial Office iti komunidad nangruna iti ili ti Solsona kalpasan a manamnama a mapilaan ti kaso a Frustrated Murder ti suspek a napasamak a pammaltog iti Bgry. Manalpac iti nadakamat nga ili.
Segun kenkuana, saan kuma a reklamo ti suspek iti pammaltog no awan ti tulong manipud iti komunidad nangruna kadagiti residente iti nadakamat a barangay.
Kunana a malaksid iti dying declaration ti biktima ti pammaltog ket adda dagiti nagbalin a witness ti napasamak nga insidente.
Kabayatanna, nakaprobision ti sangsanguen a kaso ti suspek a panagsalungasing iti Republic Act 10591 wenno illegal a panagikot ti paltog.
Maipalagip a napaltu-paltugan ti suspek a ni Brgy. Kagawad Benito ti biktima a ni Benmar Cudal no sadinno mamapati nga adda ti dati a susik ti suspek ken biktima gapu iti maipagarup nga utang.
