LAOAG CITY – Pagan-annaden ti lokal nga airline ti publiko kontra iti panaggatang ti airline tickets manipud kadagiti saan nga otorisado nga aglaklako ti flights.
Partikular a dinakamat dagiti airline dagiti transaksion nga agus-usar ti peke wenno takaw a credit cards a masansan nga agresresulta iti pannakakanselar ti booking ken posible a panangsungbat dagiti biktima.
Manarimaanen ti pannakikoordinar dagiti lokal nga airline iti National Bureau of Investigation (NBI), Department of Trade and Industry (DTI) ken Civil Aeronautics Board (CAB) tapno imbestigaran dagiti adda iti likudan ti nasao a panangluko.
Gagem daytoy nga addang a maballaagan ti publiko nga ag-book laeng ti flights iti babaen ti opisial ken otorisado a channels dagiti airline.
Kinanselar dagiti airline dagiti booking a nagatang usar ti peke ken takaw a credit cards.
