LAOAG CITY – Nanayonan ti budget ti Office of the President (OP) iti babaen ti inaprobaran ni Presidente Ferdinand Marcos Jr. a P6.326 trilyon a 2025 national budget.
Inbatad ni Executive Secretary Lucas Bersamin a naaddaan ti pannakabalbaliw iti budget ti Office of the President gapu ta kinamatda ti National Expenditure program wenno NEP ti P5.2 bilyon a pundo para iti 2026 Association of Southeast Asian Nation (ASEAN) no sadinno a ti Pilipinas ti ag-host.
Inlawlawag ni Bersamin, ti nasken nga ag-host ti ASEAN ket ti Myanmar ngem adu nga head of states a miembro ti nagkedked nga agturong iti nasao a pagilian gapu metten iti situasion iti pagilianda.
Gapu ta alphabetical ti panag-host ti ASEAN isu a ti Pilipinas ti sumaruno kalpasan ti Malaysia inton 2025.
