LAOAG CITY – Inbilin ni Presidente Ferdinand Marcos Jr. ti panangiparuk-at ti kanayonan a P8.68 billion a pondo para iti Department of Education wenno DepEd tapno suportaran ti agtultuloy a pannakaipatungpal ti Expanded Career Progression (ECP) System para kadagiti personnel dagiti public schools iti intero a pagilian.
Basar ken ni Palace Press Officer Undersecretary Claire Castro a ti kanayonan a pondo nga iruar ti Deparment of Budget and Management (DBM) iti babaen ken ni Acting Secretary Kim Robert de Leon ket paset ti agtultuloy a kalikagom ti Marcos administration nga ammoen ti panagsanay, kabaelan ken propesional a panagdur-as dagiti empleado iti sektor ti edukasion.
Mapatta-patta a sumurok 93,344 personnel ti public schools iti intero a pagilian ti mabenipisiaran ti nadakamat a pondo
Kunana pay a karaman ti pondo ti implementation requirements para iti Fiscal Year 2025 ken Fiscal Year 2026 para kadagiti naipaayan ti Notices of Organization, Staffing, and Compensation Action wenno NOSCA ken appointments.
Segun ken ni Castro a para iti Fiscal Year 2027, inrekomendar ti administrasion ti P12.96 billion a pondo para iti agtultuloy a pannakapatungpal ti Expanded Career Progression System.
