LAOAG CITY – Inrakurak ni Department of Health Secretary Ted Herbosa a pinirmaannan ti baro nga Administrative Order (AO) ti ahensia tapno ikkaten ti kasapulan ti purchase booklet para kadagiti senior citizen nga agusar ti diskuentoda kadagiti agas kageddan ti Expanded Senior Citizens Act of 2010.
Ik-ikkaten ti Department of Health Secretary Administrative Order No. 2024-0017 ti kasapulan para kadagiti senior citizen a mangipakita ti purchase booklet kadagiti botika, a dati ket karaman ti valid ID ken reseta ti doktor tapno makaala ti diskuento.
Segun iti sekretario, kas maysa a senior citizen, kunana a narigat ti kanayon a panangitugot ti purchase booklet.
Inbatadna a kasapulan dagiti natataengan ti diskuento kadagiti agas a nasken nga alisto a maalada.
