LAOAG CITY – Inbatad ni Mr. Ni Adrian Jude Dela Cruz, nagturpos iti Mariano Marcos State University ken residente iti Barangay Poblacion Dos iti ili ti Pagudpud ditoy probinsia saanna ninamnama a magun-od na iti maika-pito a rango iti Philippine Nurses Licensure Examination nga addaan iti rating a 90.07%.
Segun kenkuana, namnamaenna a makapasa daytoy iti examination, ngem saanna nga ekspektaren a makapasa daytoy nga addaan iti nangato a passing rate.
Mainaig iti daytoy, tapno makapagkonsentrar iti examinasion ket nag-deactivate ti online account-na ken kalpasan iti daytoy ket inactivate-na tapno urayen ti resulta.
Innayonna nga ado ti nagbalin a parikuatna bayat ti On The Job Training (OJT) na iti maysa nga ospital kabayatan ti COVID-19 pandemic.
Maysa kadagiti nagbalin a kapadasna kas student nurse ket idi naikat ti naipatungpala protocol idi pandemia ket napalubusan dagitoy nga sumrek iti ospital bayat nga adda ti panagbutengda pay laeng iti nadakamat a situasion.
Kinuna ni Dela Cruz a saan a Nursing ti immuna a pinilina a kurso no sadinno ket ti first choice-na ket ti kurso nga Electronics Engineering ken indinto a ti second choice-na ket ti kurso nga Agricultural and Bio-systems Engineering.
Innayonna a ti Apo ken ti pamiliana ti nagbalin nga inspirasionna tapno agadal a naimbag ken agtultuloy nga agadal ken agbalin a nagaget.
Malaksid iti dayoy ket seaman ti amana ken dati a nars ti inana ken inauna daytoy nga anak kadagiti tallo nga agkakabsat.
Kabayatanna, nagpalagip dagitoy kadagiti mangayat a mangala a kurso a nursing nga ipa-puso da ti kurso gapu ta ti nursing ket mangipaay ti tulong nga awan kasukat na ken kadagiti saan a nakapasa, mamati daytoy nga adda ti ipaay ni Apo a gundaway iti umno a panawen.
Ita agdama, plano ni Dela Cruz ti ag-apply iti trabaho ditoy pagilian.
