LAOAG CITY – Kinasoan ti Philippine National Police (PNP) Criminal Investigation and Detection Group (CIDG) ni Cavite Representative Kiko Barzaga.
Segun kenni CIDG Director Maj. Gen. Robert Alexander Morico II, ti kaso a sedition ken inciting to rebellion ket naipila iti Quezon City prosecutors office gapo iti pananngrugi ti gulo idi September 21 “Trillion Peso March”.
Saan met a nangipaay ti dadduma pay detalye ni Morico gapo ta amangan no makaapektar iti imbestigasyon ti piskalya.
Iti met social media ni Barzaga, nagpost daytoy ti subpoena a naipatulod a personal iti Quezon City Prosecutors office iti Nobyembre 17 ken 25 para iti preliminary investigation.
Maipalagip a namin-ado a nagpost ni Barzaga nga ak-akusaran na ni Presidente Ferdinand Marcos Jr. ti kurapsyon.
Isuna pay ti adda iti likudan iti panangawag kadagiti tattao tapno mangiyuswat ti protesta iti sangwanan ti Forbes Park sa Makati City no sadinno adda ditoy ti balay da Leyte Rep. Martin Romualdez ken ti nagikkat a ni Rep. Zaldy Co.
