LAOAG CITY – Awan ti direkta ken nalawag a sungbat ni Batangas 1st District Rep. Leandro Leviste mainaig iti maipagarup a panagsinnukat ti text messages iti nagbaetan da Presidente Ferdinand Bongbong Marcos Jr. ken dati a Presidential Legislative Liaison Office Usec. Adrian Bersamin mainaig iti “kickbacks” manipud iti maanomalya a flood control projects.
Inbatad ni ACT Teacher’s Partylist Rep. Antonio Tinio, maysa ni Rep. Leviste kadagiti “source” ti nasao a text messages isut gapuna nga isuna ti mangipublikar iti daytoy gapu ta isuna ti makailawlawag no kasanona daytoy a naala.
Nupay kasta, inpetteng ni Leviste, kadagiti agsalsaludsod no pudno kadi nga adda ti iggemna a dadduma pay nga ebidensia isut gapuna a nakisarita isuda kenkuana nga ag-abroad ken buyaen laengen dagiti rakurak da Representatives Antonio Tinio ken Egay Erice.
Dinakamat ni Leviste a saanen a mangipaay pay ti baro a rakurak ngem naminsanna manen nga in-post iti facebook page-na ti immunana a rakurak nga iparuk-atna inton umno a panawen dagiti iggemna nga ebidensia ti panangawat ti kickbacks manipud kadagiti maanomalya a proyekto ti Department of Public Works and Highways (DPWH).
