LAOAG CITY – Inbatad ti Philippine National Police a dagiti police personnel a naiwaras tapno mangipatungpal ti seguridad iti tallo nga aldaw a panangipatungpal ti rally ti Iglesia ni Cristo (INC) iti Manila ket nakasuot da ti body-worn cameras.
Iti statement, inrakurak ni Philippine National Police acting chief Police Lieutenant General Jose Melencio Nartatez Jr a gagem ti addang ket tapno masigurado nga amin a garaw dagiti pulis ket maidokumento.
Inlawlawag na a daytoy ket tapno maliklikan ti panagabuso ken mapatibker pay ti panagtalek ti publiko babaen ti panangipatungpal ti organisasyon ti nainkalintegan ken madaydayaw pagnnurutan.
Innayon ni Nartatez a ti mairekord manipod kadagiti body-worn cameras ket agserbi kas ebidensya no bilang adda dagiti alegasyon ti misconduct, provocation, wenno operational lapses a possible a napasamak kabayatan ti tignay-protesta nga inorganisar ti Iglesia ni Cristo.
