LAOAG CITY – Inbutaktak ni United Kingdom Defense Secretary John Healey a sakbay pay ti gubat iti Middle East ket mangipapaayen ti Russia ti intelligence iti Iran, maibasar iti kaudian a defense intelligence.
Malaksid iti daytoy, maipagarop a mangipapay pay ti panagsanay ti Russia iti Iran no maipanggep kadagiti klase ti drones ken electronic warfare.
Inrakurak pay ti UK defense chief nga adda ti “axis of aggression” iti nagbaetan ti Russia ken Iran.
Mainaig iti daytoy, inpalgak ni Healey nga adda ti “hidden hand” ni Russian President Vladimir Putin nga adda idiay Iran.
Kabayatanna, kuna met ni Healey a naiget ti panagtrabtrabaho da tapno maprotehiran dagiti umili da iti Middle East, kasta pay ti military bases ken dagiti kaalyado da.
