LAOAG CITY – Inladawan ni Representative Leila de Lima kas maysa a panangbastos iti Konstitusion ken posible a betrayal of public trust ti saan a panagatendar ni Vice President Sara Duterte iti panagdengngeg ti House Committee on Justice mainaig iti sangsangoenna nga impeachment process.
Inbatad ni De Lima, makapadismaya ti saan a panangikankano ti respondent iti komite.
Inpettengna a no saan a makaatendar ti Bise Presidente, namnamaenda a mangipatulod koma ti kampo daytoy ti pormal a manipestasion kas panangrespetar iti proseso.
Inlawlawag ni De Lima dagiti manarimaan nga addang ti Kamara de Representantes.
Kunana a biddot a panunoten a maysa daytoy a full-blown trial on the merits gapu ta daytoy ket maiyarngi pay laeng iti maysa a preliminary investigation.
Inpaganetgetna a nagtalinaed a right to counsel pakairamanan ti karebbengan a sumango ken mangipaay kadagiti clarificatory questions ti respondent.
Binabalaw ni De Lima ti nagbalin a takder ni dati a Supreme Court Justice Noel Tijam mainaig iti responsibilidad dagiti opisial iti kastoy a klase ti imbestigasion.
Maipalagip a namnamaen koma ni Duterte a sumango tapno sungbatan dagiti pagibasaran ti reklamo iti tukad ti komite ngem nangitunda ti tension iti panagdengngeg ti saan daytoy a panagapela.
