LAOAG CITY – Inpakaammo ti presiding officer ti Sang Panlungsod a naalanan iti approval iti maipatpatakder a dakkel mall ditoy ciudad ti Laoag para iti kalikagumda a libre a panagbuya ti sine dagiti Senior Citizens ken dagiti Persons with Disability (PWD).
Inbatadna a ti napagnunumoan da ket tunggal aldaw ti martes ken huebes iti panagbuya dagiti maseknna iti sine.
Inlawlag na pay a saan nga agmalmalem iti libre a panagbuya dagitoy no di ket iti first screening ken second screening laeng.
Nupay kasta, kunana a kitaen danto iti napinpintas a pagsayaatan na tapno maikkan iti gundaway dagiti Senior citizen ken addan iti rangkap ti bagina a makabuya kadagiti nagduduma a pelikula.
Innayon na a daytoy nga addang ket tulong a pakalag-anan ti bulsa dagiti senior citizen ken addaan ti rangkap ti bagina ditoy ciudad.
Manamnama nga aglukat ti dakkel a mall ditoy ciudad ti Laoag intono Mayo ita a tawen.
