LAOAG CITY – Inpetteng ni Senate President Sherwin Gatchalian, nga awan ti epektona iti agtultuloy nga impeachment trial ni Vice President Sara Duterte iti Senate Impeachment Court ti kaso a grave threats ng impila ti Quezon City Regional Trial Court.
Segun ken ni Gatchalian, agsina dagiti dua a proseso ti RTC nga agigigem iti criminal case, bayat a ti Senado met ket ti mangtaltalantan iti impeachment case kontra iti bise presidente.
Iti impeachment trial, masapol pay laeng ti panangiland ti defense team ni Duterte kadagiti ebidensiada sakbay ti panagpatawda kas impeachment judges.
Maipalagip nga idi bulan ti Hulio, nalpasen ti panangiprisintar ti House prosecution panel kadagiti kaso iti salinong ti Article IV ti impeachment complaint, a mangakakusar ken ni Duterte ti culpable violation of the Constitution ken betrayal of public trust mainaig iti maipagarup a grave threats.
Idi met Biernes, Setiembre 4, nangiparuk-at ti arrest warrant ti Quezon City court kalpasan a nakita nga adda ti probable cause a mabalinen a maipila ti kaso ni Duterte ti tallo a bilang iti reklamo a grave threats.
Kabayatanna, nagpiansa ni Duterte ti P360,000 iti Quezon City RTC idi Sabado.
Iti baet daytoy, nagpanawagan ni Senator Gatchalian kadagiti otoridad iti panagimbestigarda iti nagbalin a rakurak ni Duterte a madanagan daytoy ti seguridadna.
