LAOAG CITY – Dead on arrival ti maysa a lakay kalpasan a nagbekkel iti Barangay Camanga, Badoc, Ilocos Norte.
Nabigbig daytoy a ni Mario Manzano y Palaruan, agtawen ti 61, naasawaan, mannalon ken residente iti Barangay Brgy. Ugis iti ili ti Nueva Era.
Iti imbestigasyon ti PNP-Badoc, basar ti anak ti biktima a ni Mary Grace Rubio y Manzano, addaan ti umno n ga edad, naasawaan ken residente iti Brgy. Camanga a nakaawat ti tawag manipud iti kabsat na iti Barangay Ugis a mangibagbaga a mapan na sukunen ti ama da gapo ta agprobprobokar gapo iti kinabartek.
Gapo iti daytoy, nagturong ni Mary Grace ken ti asawa na iti balay ti ama da idiay Barangay Ugis ken innala da daytoy iti pagtaengan na iti ili ti Badoc.
Naamoan nga iti bigat ti Nobyembre 30 ket nagpagatang ti biktima ti noodles ken maysa a botelya ti arak kenni Mary Grace.
Kalpasan daytoy ket binagaan ni Mary Grace kadwa na ti ina na ti biktima nga isardeng nan ti aginom gapo ta saan nan a makontrol ti bagi na gapo iti kinabartek ngem insungbat ti lakay nga uray matay isuna ken makaammon iti biag dagiti maulila na.
Naamoan a kalpasan nga inbatad daytoy ti lakay ket nagturong ni Mary Grace ken ti ina na iti karayan tapno mapan aglaba.
Nupay kasta, naamoan a nakita laengen ti anak ni Mary Grace ti lakay a nakabitin usar ti nylon.
Dagus a naitaray ti biktima iti Sto Cristo Milagroso Hospital idiay Sinait Ilocos Sur ngem naideklara a dead on arrival.
