LAOAG CITY – Naarestar ti maysa a senior citizen idinto a nakalibas dagiti uppat a kakadwa na a nagtutupada iti paset ti Sitio San Agustin, Brgy Elizabeth, Dingras, Ilocos Norte.
Nabigbig ti naarestar a ni JUANITO ALFEREZ y Villanueva, 70, residente iti Brgy Elizabet iti ili ti Dingras idinto a dagiti nakalibas ket isuda REY VILLORIA ken ni JAY-AR AGNGARAYNGAY, agpada a residente iti Brgy Elizabeth iti ili ti Dingras ken da BENJIE DELOS REYES, residente ti Brgy Barong ken ni JOHN DOES.
Segun ti PNP-Dingras, kalpasan a naawat da ti impormasyon nga adda dagiti agtutupada iti nadakamat a lugar ket dagus da a nagrespondea nakaarestaran da ken ni Alferez, ngem nakalibas dagiti kakadwa na.
Nakumpiskar dagiti otoridad ti maysa a sibibiag a kawitan, dua a natay a kawitan, dua a nangisit a kaluugong, 555 a pisos a maipagarop a pusta da, maysa a cock fighting box ken maysa a cellphone.
Iti agdama, agtultuloy ti naiget nga imbestigasyon iti napasamak kabayatan ti hot pursuit operation dagiti otoridad kontra kadagiti nakalibas a kakadwa ni Alferez.
