LAOAG CITY – Kinumpirmaran ni Barangay Chairwoman Jesusa Lorenzo iti Barangay 49-A, Darayday ditoy ciudad ti Laoag nga adda ti siyam a buryas a natay iti lugar da a taraken ti maysa a konsehal.
Inbatad na a basar iti palawag ti konsehal, idi naipusing dagiti buryas ket posible a naikawa iti pudot ken lamiis.
Segun kenni Lorenzo, iti inaldaw ket in-inot a natay dagiti buryas.
Inlawlawag na a nasalun-at met ti resistensya ti pangganakan a baboy kalpasan a naalaan ti dara babaen iti City Veterinary Office.
Kuna na a sakbay a natay dagiti buryas ket nasayaat ti kondisyon da ken mayat ti pinnangan da.
