LAOAG CITY – Naglikudan ni South Sudan President Salva Kiir ti agwarwaras a damag a positibo wenno nakaptan daytoy ti covid-19.
Segun ti report, napan iti sabali a pagilyan ni Kiir tapno isu ti pagpaagasan na kalpasan a maipagarop a naapektaran ti makapatay a virus.
Inpetteng ti presidente nga awan ti kinapudno na ti maipadpadamag a nakaptan daytoy ti covd-19 ken saan a nagbibiyahe a napan iti sabali a pagilyan.
Immunan a nakumpirmaran a nagpositibo ti covid-19 ni deputy Riek Machar ken siyam a miembro ti high-level task force ken nagtalinaed pay laeng dagitoy a naka-isolate.
Iti panagbitla ni Presidente Kiir, inpetteng na nga agbalin a naka-kakaasi ken nakalidliday ti pagilyan da no saan a malapdan ti panagwaras ti virus.
