LAOAG CITY – Inkiddaw ni Sangguniang Panlungsod Member Jayson Perrera iti City Engineering Office ken dadduma pay a pagopisinaan ditoy siudad ti Laoag ti kontrata, warranty ken presyo dagiti solar lights.
Daytoy ti inrakurakna kalpasan nga adda dagiti solar lights a maobserbaran a saanen pay nga agsilsillaw.
Gapu iti daytoy, kunana a rumbeng a makita dagitoy a banag tapno maammoan no ania dagiti benipisyo a mabalin da pay a maala tapno maiplastar dagitoy a banag.
