LAOAG CITY – Inpaayan ti konseho ditoy cuidad ti Laoag ti resolution of commendation da Usec. Eduardo Punay iti Department of Social Welfare and Development-Social Technology Bureau ken ni Regional Director Marie Angela S. Gopalan iti Department of Social Welfare and Development-Field Office Region I.
Daytoy ket gapu iti panangpili da ditoy ciudad ti Laoag a pakaiwayatan ti Project Aruga a para iti pannakaipaay ti naan-anay a tulong kadagiti addaan ti rangkap ti bagina.
Mismo a ni Mayor James Bryan Alcid ken dagiti dadduma a miembro iti konseho iti panangidaulo ni Vice Mayor Rey Carlos Fariñas ti nangiyawat ti resolution of commendation kada Punay ken Gopalan.
Immuna iti daytoy, naisayangkat iti panagpinnirma ti Memorandum of Agreement iti nagbaetan ti gobierno lokal ditoy ciudad ken ti Department of Social Welfare and Development – Region 1 mainaig iti Project Aruga.
Gagem ti programa a matulungan dagiti addaan ti rangkap ti bagina kas iti panangipaay kadakuada iti edukasyon, healthcare ken social participation .
Agpaot ti 3 a bulan ti pilot testing ditoy ciudad ken no makita da a napintas iti agbalin a resulta na ken mabalin a maiyimplementar daytoy iti nalawlawa a sakop ti pagilian.
