LAOAG CITY – Saan a direkta a sinungbatan da Sangguniang Panlungsod Member Bryan Alcid ken Handy Lao, no agkapartido nga agtaray kas kandidato ditoy ciudad ti Laoag para iti 2025 Midterm Elections ditoy.
Daytoy ket kalpasan nga rumrummuar nga agkandidato kas Mayor ni Alcid, idinto nga agkandidato kas Bise Mayor ni Lao ditoy ciudad.
Segun kadakuada ket maiyururay ti panangipila ti kandidatura ken saanda pay laeng a maibaga iti agdama ti nadakamat a banag.
Kabayatanna, kinuna ni Alcid nga adda ti vision-na para ditoy ciudad.
