LAOAG CITY – Balligi a naarestar ti maysa nga indibidual babaen iti naisayangkat a buy-bust operation iti ditoy siudad ti Laoag.
Basar iti impormasion ti Philippine National Police ditoy siudad ti Laoag ti suspek ket maibilang kas Street Level Individual, agtawen ti 39, awanan asawa, ken residente iti ili ti San Nicolas.
Naarestar ti suspek kalpasan a maipagarop a naglako daytoy ti mapapati shabu iti nagpammarang a poseur buyer.
Nakumpiskar manipud iti suspek 11 a sachet ti maatap a shabu ken P4,000.00.
Kabayatanna, nagtalinaed ti suspek iti kuerpo ti Philippine National Police ditoy siudad ti Laoag ken manamnma a sumango daytoy iti kaso a panaglabsing iti Republic Act 9165 wenno Comprehensive Dangerous Drugs Act of 2002.
