LAOAG CITY – Agparikot dagiti sumagmamano nga agdaldalos iti Roman Catholic Public Cemetery kalpasan nga adda dagiti basura a saan a naakop.
Gapu iti daytoy, nagbalin a problema dagiti maseknan nga indibidual a bimmisita iti kamposanto dagiti nakapenpen a basura gapu ta nabaybay-an dagitoy.
Iti panagturong ti News Team ti Bombo Radyo Laoag, naobserbaran nga adda ti dakkel nga speaker ti sumungad kadagiti napan bimmisita iti kamposanto a mangipalagip kadagiti pagannurutan a nasken a suruten dagiti umili.
Iti Floral Garden Cemetery, naripar a bigbigat pay laeng ket adun dagiti nagturong iti nasao a kamposanto no sadinno a naiget dagitoy a kinita dagiti otoridad no bilang adda ti intugotda a maipawil a banag.
