LAOAG CITY – Posible a saan a mai-renew dagiti sumagmamano nga empleado ti lokal a gobierno iti ili ti Badoc a nagngudon ti kontratada.
Segun ken ni Mayor Virgilio Calajate iti ili ti Badoc, dumanon iti 52 a job order ken casual dagiti naglippasen ti kontratada.
Inbatadna a nakadependento ti job performance dagiti nasao nga empleado no dagitoy ket makasubli wenno saan iti munisipio.
Mainaig iti daytoy, inpakaammo ni Mayor Calajate a planona a sursuren dagiti amin nga opisina iti lokal a gobierno iti ili ti Badoc tapno maammoanna dagiti kasasaad dagiti agpapaay nga empleado.
Innayonna nga adda dagiti dinutukanna nga empleado nga agserbi iti babaen ti administrasionna.
